Բիզնեսին խոչընդոտելու հետեւանքները. ՛՛Հայկական Ժամանակ՛՛

«Հայկական ժամանակի» աղբյուրների համաձայն՝ «Կարֆուր» ցանցի առաջ հարուցած խոչընդոտները կարող են ծանր հետեւանքներ թողնել ՀՀ վարկանիշի վրա:

Մասնավորապես, Հայաստանի դիրքը «Դուինգ բիզնես» սանդղակում կարող է մի քանի տասնյակ միավորով ետ ընկնել՝ «Կարֆուրի» մուտքը հայկական շուկա խոչընդոտելու պատճառով: Ըստ որոշ հաշվարկների, ներկայիս 32-րդ հորիզոնականի փոխարեն Հայաստանը այդ խոչընդոտների պատճառով կարող է հայտնվել 5 կամ 6-րդ տասնյակում: «Կարֆուրի» շուրջ ստեղծված իրավիճակի վերաբերյալ օրաթերթը հարցեր էր հղել ֆրանսիական այդ ցանցի կենտրոնական գրասենյակ, որտեղից ստացված կարճ ու ստանդարտ պատասխանից ակնհայտ է դառնում, որ իրավիճակը դեռ չափազանց անորոշ է: