Թունիսում ցույցեր են. կձեւավորվի նոր կառավարություն

Թունիսյան հեղափոխությունից հետո տեղի ունեցած առաջին քաղաքական սպանությունից հետո (սպանվել է ընդդիմադիր գործիչ) երկրում նորից բողոքի ակցիաներ են անցկացվում: Euronews-ի հաղորդմամբ` երկրի ՆԳ նախարարության շենքի մոտ ավելի քան 20.000 մարդ է հավաքվել:

Ցուցարարները սկզբում ուղղակի բարձրացրել են իշխող «Ան Նահդա» իսլամիստական կուսակցությանը դատապարտող պաստառներ: Այնուհետեւ ցույցը վերածվել է ոստիկանների հետ բախումները: Նրանք ցույցի մասնակիցների դեմ կիրառել են մահակներ եւ արցունքաբեր գազով լցված նռնակներ, սակայն ցույցը ցրել չի հաջողվել:

Ոստիկանները փորձում են անել հնարավորը` ցուցարարների մուտքը Սիդի Բաուզիդ կանխելու համար: 2011թ. հենց այնտեղից էր սկսվել հեղափոխությունը:

BBC-ի հաղորդմամբ` քիչ առաջ Թունիսի վարչապետ Համադի Ջեբալին հայտարարել է, որ քաոսից դուրս գալու համար ընտրություններ կանցկացվեն, եւ նոր կառավարություն կձեւավորվի: