Ծառայողական խորհրդակցություն` ԼՂՀ ՊՆ-ում

Վերջերս ՊԲ շտաբի նիստերի դահլիճում բանակի հրամկազմի, շտաբի բաժինների և ծառայությունների պետերի, միավորումների և զորամասերի հրամանատարների ու նրանց տեղակալների, ռազմաիրավապահ մարմինների ներկայացուցիչների մասնակցությամբ տեղի է ունեցել ծառայողական խորհրդակցություն, որը վարում էր ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանը: Ծառայողական խորհրդակցությանը ներկա էին հանրապետության զինդատախազ Գևորգ Կոստանյանը և քննչական վարչության պետ Արմեն Հարությունյանը:

Քննարկումների ընթացքում շոշափվել են անցած բանակային տարում տեղ գտած կարգապահական խախտումներին ու քրեածին վիճակին վերաբերող հարցեր, անդրադարձ է կատարվել արձանագրված հանցագործությունների վերլուծությանն ու հետագայում դրանց կանխարգելմանն ուղղված աշխատանքներին: