Ալիևի` ազատությունների նկատմամբ արհամարհանքը սահման չունի

«Լրագրողներ առանց սահմանների» միջազգային կազմակերպությունը դատապարտել է ադրբեջանական իշխանությունների` Իսմայիլըում ցուցարարների, լրագրողների և բլոգերների  նկատմամբ ուժի կիրառումը. տեղեկացնում է Contact.az-ը:

«Այնպիսի տպավորություն է, որ Ալիևի վարչակազմի` ազատությունների նկատմամբ արհամարհանքը սահման չունի: Իշխանությունները փորձում են լռեցնել նրանց, ովքեր բարձրաձայնում են երկրում մարդու իրավունքների ու ազատությունների ոտնահարման մասին: Եվ այս ամենը տեղի է ունենում այն բանից հետո, եր ԵԽԽՎ-ն մերժում է Ադրբեջանում քաղբանտարկյալների առկայությունը դատապարտող բանաձևը»,- հայտարարել է «Լրագրողներ առանց սահմանների» կազմակերպության գլխավոր քարտուղար Քրիստոֆ Դելուարը: