Ռոջերսը չի պատկերացնում ''Լիվերպուլն'' առանց Ջերարդի

«Լիվերպուլի» գլխավոր մարզիչ Բրենդան Ռոջերսը խոստովանել է, որ  թիմը դեռևս շարունակում է կախման մեջ մնալ Սթիվեն Ջերարդից:

32-ամյա ավագը, ով մասնակցել է Պրեմիեր լիգայի ընթացիկ առաջնության բոլոր` 23 հանդիպումներին, գավաթային խաղում հանգստի հնարավորություն էր ստացել: Սակայն թիմը չկարողացավ հաղթահարել համեստ «Օլդհեմի» արգելքը, իսկ Ջերարդը խաղավարտից 35 րոպե առաջ ստիպված եղավ փոխարինման դուրս գալ, սակայն նրա ջանքերով «կարմիրները» միայն կարողացան կրճատել հաշվի տարբերությունը:

«Վստահ չեմ, որ նրա բացակայությամբ մենք կշարունակենք հաջող հանդես գալ: Սթիվենը եզակի խաղացող է: «Օլդհեմի» հետ խաղում նա, կարծես, երկնքից հայտնվեց և ամեն ինչ փոխեց»,- ասել է մարզիչը The Times-ին տված հարցազրույցում:

Ռոջերսը անդրադարձել է նաև Ջերարդի նոր պայմանագրի հետ կապված հարցերին. «Ես նրա հետ արդեն խոսել եմ այդ հարցով: Մենք ընդհանուր հայտարարի ենք եկել և կսպասենք մրցաշրջանի ավարտին, իսկ հետո արդեն սեփականատերերի հետ կքննարկենք»: