Բորդյուժան Ադրբեջանի հայտարարությունները լուրջ չի ընդունում

ՀԱՊԿ գլխավոր քարտուղար Նիկոլայ Բորդյուժան լուրջ չի ընդունում Ադրբեջանի` Ստեփանակերտի օդանավակայանից թռչող քաղաքացիական ինքնաթիռները կործանելու մասին հայտարարությունը: Այսօր Երեւանում ճեպազրույցի ժամանակ նա, մասնավորապես, նշել է, որ Ադրբեջանն ընկալում է որպես քաղաքակիրթ երկիր:  

Բորդյուժան ասել է, որ, անշուշտ, եղել են քաղաքացիական ինքնաթիռների խոցման դեպքեր, սակայն խորհուրդ է տվել չմոռանալ, թե համաշխարհային հանրությունն ինչ արձագանք է տվել դրանց:

«Չեմ կարծում, որ որեւէ պետություն այսօր իրեն նման քայլ թույլատրի, այդ պատճառով լուրջ չեմ ընդունում նման հայտարարությունները»,- ընդգծել է ՀԱՊԿ գլխավոր քարտուղարը` կարծիք հայտնելով նաեւ, որ դրանք մեկ բացատրություն ունեն` կա'մ մտքերի սխալ մեկնաբանություն է, կա'մ անհաջող կատակ: