Խավարասերներն ու ոջիլներն առաջ են անցել քաղաքական գործիչներից

Public Policy Polling կազմակերպության ներկայացուցիչներն  ավելի քան 800 ամերիկացիների շրջանում հարցում են անցկացրել, թե ինչ թեմաներ են նրանց հետաքրքրում ու հուզում: Պարզվել է, որ նախագահական ընտրություններից հետո քաղաքական գործիչները, որոնք ընտրությունների նախաշեմին բոլորի խոսակցության թեման էին, երկրորդ պլան են մղվել` իրենց տեղը զիջելով խավարասերներին ու ոջիլներին. տեղեկացնում է mignews.com-ը:

Ամերիկացիները նաեւ մտահոգված են ճանապարհների խցանումներով, կոլոնոսկոպիայի (հաստ աղիքի հետազոտման մեթոդ) անցավ մեթոդներով, նաեւ օգտագործված մեքենաների վաճառքով:

«Մենք ենթադրում էինք, որ ընտրություններից հետո քաղաքականության նկատմամբ մարդկանց հետաքրքրությունը կնվազի, սակայն պատկերացնել չէինք կարող, որ այդչափ: Կոնգրեսի գործողությունները երբեք այսքան անհետաքրքիր թեմա չեն եղել, որքան հիմա»,- ասում են հետազոտման հեղինակները:

Ի դեպ,  հետաքրքրության մակարդակով քաղաքականությունն, այնուամենայնիվ, մրցում է, սեռավարակների, մանկական խաղահրապարակներում խուլիգանների, կոմունիզմի եւ Հյուսիսային Կորեայի թեմաների հետ: