Դպրոցում կրակ բացած տղան հոգեպես անառողջ էր

Արդեն տեղեկացրել ենք, որ երեկ ԱՄՆ Քոնեկտիկուտ նահանգի Նյութաուն քաղաքում 20-ամյա մի տղա կրակ է բացել Sandy Hook դպրոցում, ինչի հետևանքով զոհվել է 27 մարդ, այդ թվում` տարրական դասարանի 20 երեխա և ինքը` մարդասպանը:

ABCNews-ը հրապարակել է մարդասպանի` Ադամ Լանցի լուսանկարը: Նախկինում հաղորդվել է, որ երիտասարդը դպրոցում առաջինը կրակ է բացել մոր վրա, ով նույն դպրոցում ուսուցչուհի էր: Սակայն ոստիկանությունը պարզել է, որ տղան մորը սպանել է տանը, երբ նրանց միջև վիճաբանություն է ծագել: Դրանից հետո Լանցը վերցրել է տանը եղած և իր անունով գրանցված երեք ատրճանակներն ու գնացել դպրոց:

New York Post-ի աղբյուրների հաղորդմամբ` Լանցը եղել է հոգեպես անառողջ, նա տառապում էր անձի երկվությամբ: