Բարդ դիմակայություն է սպասվում. Մոուրինիո

Մադրիդի «Ռեալի» գլխավոր մարզիչ Ժոզե Մոուրինիոն խոսել է Լիոնի դեմ կայնալիք հանդիպման մասին, տեղեկացնում է իսպանական Marca-ն:

«Մենք ցանկանում ենք անպայման հաղթել և գործնականում լուծել մեր առջև դրված խնդիրը։ Ինչ վերաբերում է Օլիմպիկի «Լիոնին», ապա նրանք լուրջ մոտիվացիա ունեն։ Թիմն ագրեսիվ է տրամադրված։ Դա նորմալ է, քանի որ ֆրանսիացիներն այժմ 4 միավոր ունեն և խմբից դուրս գալու իրական հնարավորություն։ Այնպես որ մեզ բարդ դիմակայություն է սպասվում», - ասել է Մոուրինիոն։

Պոտուգալացի մասնագետն անդրադարցել է նաև իր թիմին: 

«Թիմն ավելի ուժեղ է, քան անցած տարի: Ընտրության հնարավորությունն  ավելի  է մեծացել և դժվար է հիմնական կազմում տեղ պահպանելը: Եթե նախորդ տարի մենք անցկացնեինք առանց Կարվալիոյի, Արբելոայի և Մարսելոյի, ապա մեծ խնդիրներ կունենայինք, իսկ այս տարի` ոչ: Անցած մրցաշրջանում իր դիրքում միայն Օզիլն էր խաղում, իսկ հիմա նրան ավելացել են Կական և Կոենտրաոն»,- եզրափակել է Մոուրինիոն: