29 տարի երկիրը ղեկավարած նախագահը նորից վերընտրվել է

Կամերունի գործող նախագահ Փոլ Բիիյան վերընտրվել է իր պաշտոնում:  ИТАР-ТАСС-ը հաղորդում է, որ գերագույն դատարանն արդեն հայտարարել է հոկտեմբերի 9-ին կայացած նախագահական ընտրությունների արդյունքները:

78-ամյա Փոլ Բիիյան, ով երկիրը ղեկավարում է 1982 թվականից, ստացել է ձայների 77.9 տոկոսը, իսկ նրա հին մրցակից  Ջոն Ֆրու Նդին` 10.7 տոկոս: Ընտրողների մասնակցությունը եղել է 65.8 տոկոս:

Իսկ ընդդիմադիրները դեռեւս մինչեւ արդյունքների հրապարակումը դիմել էին դատարան` բողոքելով, թե ընտրությունները կեղծվել են: Սակայն մերժում են ստացել: Ընդդիմությունը նաեւ կոչ են արել բնակչությանը` փողոց դուրս գալ եւ բողոքել անարդարության դեմ: