Արտաքին պարտքը ռիսկային է

ՀՀ արտաքին պարտքը շատ անհանգստացնող եւ ռիսկային է: «ԱՄՆ-ի համար 100 տոկոսանոց կամ Ֆրանսիայի համար 120 տոկոսանոց արտաքին պարտքը գուցե վտանգավոր չէ, սակայն Հայաստանի համար 40 տոկոսից ավելի արտաքին պարտքը ռիսկային է»,- լրագրողների հետ հանդիպման ժամանակ ասաց տնտեսագետ Վահագն Խաչատրյանը:

Նրա խոսքերով` պետական պարտքը 2012 թվականին կհասնի 4,764 միլիարդ դոլարի, իսկ այս տարի եղել է 4,4 միլիարդ: Սրա մոտ 80 տոկոսը կազմում է արտաքին պարտքը: Արտաքին պարտքը 2011-ին եղել է 3,8 միլիարդ, հաջորդ տարի կլինի 4,17 միլիարդ դոլար:

«Հաշվի առնելով, որ անցյալ տարի Վերահսկիչ պալատը նշել էր, որ վարկի սպասարկումը 2013-ից դառնում է ռիսկային, կառավարությանը հորդորել էր վարկեր վերցնելիս հաշվի առնել  այդ հանգամանքը»,- ասաց Վ. Խաչատրյանը: