Շվարցեներգերը նոր ֆիլմում է նկարահանվում

Սկսվել են «Վերջին կանգառ» (Last Stand) մարտաֆիլմի նկարահանումները: Ֆիլմի գլխավոր դերակատարը Առնոլդ Շվարցենեգերն է:

«Նկարահանումների առաջին օրը պարզապես հրաշալի անցավ: Խորին շնորհակալություն եմ հայտնում նկարահանող խմբին, շարունակեք աշխատել այդպես»,- Twitter-ի իր միկրոբլոգում գրել է դերասանը:

Շվարցենեգերն այս ֆիլմում խաղում է լոսանջելեսցի նախկին ոստիկանի դեր, ով օպերատիվ գործողության ձախողումից հետո ստիպված շերիֆ է աշխատում փոքրիկ մի քաղաքում: Իրադարձությունները թեժանում են, երբ Լաս Վեգասի բանտից փախած հանցագործների խումբը փորձում է հատել Մեքսիկայի սահմանը:

Ֆիլմի ռեժիսորը հարավկորեացի Կիմ Չժի Ունն է: «Վերջին կանգառը» էկրան կբարձրանա հաջորդ տարի: