Սպանություն` Աշտարակում

Հոկտեմբերի 8-ին` ժամը 00.35-ին, ոստիկանության Աշտարակի բաժնում ահազանգ է ստացվել, որ Աշտարակ քաղաքի Ներսես Աշտարակեցու փողոցի բնակարաններից մեկում վիճաբանություն է տեղի ունենում:

Նույն օրը` ժամը 01.05-ին, գլխի վնասվածքով հիվանդանոց է տեղափոխվել 26-ամյա Քաթրինե Հ.-ն: Դեպքի վայր մեկնած օպերատիվ խումբը բնակարանի լոգարանում հայտնաբերել է 27-ամյա Արթուր Դովլաթյանի դիակը` ծակած կտրած վնասվածքների հետքերով: Նույն բնակարանի բնակիչ, 28-ամյա Աշոտ Ս.-ն հայտարարել է, որ ինքն է Ա.Դովլաթյանին դանակով հարվածել և սպանել, իսկ կնոջը հարվածել է ատրճանակի կոթով:

Ոստիկանության մամուլի ծառայությունը տեղեկացնում է, որ դեպքի վայրի զննությամբ հայտնաբերվել է ատրճանակ և ծալովի դանակ: Հանգամանքները պարզվում են: Աշոտ Ս.-ն ձերբակալված է: Կատարվում է նախաքննություն: