Մարկո անունով էշը` Վառնայի քաղաքապետի թեկնածու

Բուլղարիայում  Վառնայի քաղաքապետի ընտրություններում «Նոր Բուլղարիա միություն» կուսակցությունը` որպես իր պաշտոնական թեկնածու, էշ է առաջադրել։ Մարկո անունով էշը կներկայացնի այդ կուսակցությունը հոկտեմբերի 23-ին կայանալիք քաղաքային ընտրություններում։ Այս մասին բրիտանական «Մետրո»-ին հղում անելով գրում է 7or էլեկտրոնային պարբերականը:

«Նոր Բուլղարիա միություն»-ը նման որոշում է կայացրել՝ համարելով, որ Վառնայի գործող քաղաքապետը լավ չի կատարում իր պարտականությունները։ Կուսակցության նախընտրական շտաբի ղեկավար Անգել Դյանկովը նշել է.

- Ի տարբերություն այլ թեկնածուների՝ էշն ունի ուժեղ բնավորություն, չի գողանում, չի խաբում ու աշխատում է։