Հաղորդում` սպասվելիք հանցագործությունների մասին

Այսօր լրագրողների հետ հանդիպման ժամանակ ԱԺ պատգամավոր, Ֆուտբոլի ֆեդերացիայի նախագահ Ռուբեն Հայրապետյանը գաղտնազերծել է առաջիկա ծրագրերը. դրանք միմիայն ծեծել-ջարդել-փշրելու հետ են կապված:

Ֆուտբոլի ֆեդերացիայի նախագահը, մասնավորապես, ասել է, որ պատրաստվում է պատժել իրեն վիրավորած անձանց: Մի նվեր էլ անելու է իր կուսակցությանը` ՀՀԿ-ին` դուրս է գալու շարքերից` ելնելով կուսակցության նկատմամբ խորը հարգանքից, որպեսզի իր կատարելիք քայլերով ՀՀԿ-ն հերթական անգամ չվարկաբեկվի: Իսկ երբ գործն ավարտած համարի, կրկին ՀՀԿ-ին անդամագրվելու դիմում կգրի: 

Այսինքն` հանրապետական պատգամավորը հանցագործություն է պլանավորում: Ամեն դեպքում` մարդ ծեծելը մեզանում դեռեւս հանցագործություն է...