Վրացիները ծեծել են գերմանացի գեյերին

Չեչնիային սահմանակից վրացական Օմալո գյուղում ծեծել եւ գետն են նետել երեք գերմանացի զբոսաշրջիկների, ովքեր համասեռականներ են եղել:

«Ինտերֆաքսը» հաղորդում է, որ ռեստորանում խնջույք անելիս են եղել Թբիլիսիից գյուղ գնացած վրացիներ, ովքեր իրենց սեղանի մոտ են հրավիրել գերմանացիներին:

Վրացական ավանդական կենացներից հետո, որոնցից մեկը վերաբերել է սիրուն, գերմանացի զբոսաշրջիկները սկսել են կրքոտ համբուրվել: Հյուրընկալող վրացիները, չընդունելով համասեռական սերը, իրենց վիրավորված են զգացել, մի լավ ծեծել են գերմանացի համասեռականներին, հետո կապկպել են նրանց ձեռքերն ու ոտքերը եւ նետել են գետը:

Կապկված արտասահմանցիներին գետից դուրս են բերել տեղաբնակները:

Դեպքի կապակցությամբ դեռեւս քրեական գործ չի հարուցվել, քանի որ գերմանացիներն արագ հեռացել են Վրաստանից: Նրանք չեն բողոքել նույնիսկ իրենց դեսպանությանը: