Սահակաշվիլին համարում է, որ վրացիները պետք է հանգստանան իրենից

Վրաստանի նախագահ Միխեիլ Սահակաշվիլին, որի լիազորությունները կավարտվեն այս տարվա նոյեմբերին, երեկ հրաժեշտի հեռուստաելույթով է հանդես եկել. հայտնում է РБК-ն:

Նա շնորհակալություն է հայտնել երկրի քաղաքացիներին, որ երկու անգամ իրեն հնարավորություն են ընձեռել ծառայելու հայրենիքին, քանի որ դրանից ավելի մեծ պատիվ, ըստ նրա, չի կարող լինել: Սահակաշվիլին նշել է, որ երկիրն ապագայում պետք է շարունակի այն ուղին, որն ընտրել է: «Դուք պետք է առաջ շարժվեք, և իմացեք, որ մեր երկրի զարգացման ճանապարհին ես միշտ ձեր կողքին կլինեմ»,- ասել նա:

Սահակաշվիլին նաև նշել է, որ անձամբ իրեն հանգիստ հարկավոր չէ, սակայն վրաց ժողովուրդը պետք է հանգստանա իրենից: