Հայաստանում հազարավոր երեխաներ չեն հաճախում դպրոց

Հայաստանում չկան հստակ վիճակագրական տվյալներ , թե նոր 2011-2012 ուսումնական տարվա սկզբից քանի երեխա դպրոց չի հաճախել:

Հասարակական կազմակերպություններն ահազանգում են, որ այդ թիվը մտահոգիչ է: ՀՀ Ազգային վիճակագրական ծառայության հրապարակած տվյալներով նախորդ՝ 2010-2011 ուստարում դպրոց չի հաճախել 5 914 երեխա: Նրանցից 1656-ը ցանկություն չեն ունեցել դպրոց հաճախել, իսկ 110-ը` սոցիալ-տնտեսական վատ պայմանների պատճառով: 221 երեխայի դպրոց չեն ուղարկել ծնողները, 95-ը դպրոց չեն գնացել լսողական, տեսողական, մտավոր թերզարգացման եւ այլ պատճառներով:

ՀԿ-ները նաեւ բարձրաձայնում են, որ ներկայումս կա մի նոր երեւույթ, երբ երեխան կարող է գրանցվել կրթօջախում, բայց իրականում չհաճախել: