Կրթության նախարարին պատիվ չի բերում, որ նրա երեխան մասնավոր դպրոց է հաճախում

Երևանի ավագանու «Բարև Երևան» խմբակցության և «Ժառանգություն» կուսակցության անդամ Անահիտ Բախշյանն այսօր` լրագրողների հետ հանդիպման ժամանակ, անդրադարձավ այն փաստին, որ ԿԳ նախարար Արմեն Աշոտյանի որդիները հաճախում են ոչ թե պետական այլ մասնավոր «Այբ» դպրոցը:

«Նախարարին պատիվ չի բերում այն, որ նրա երեխան գնում է մասնավոր դպրոց: Ուրեմն այն դպրոցների նկատմամբ, որ նրա ղեկավարության տակ են, վստահություն չկա: Բայց պարոն Աշոտյանին էլ կարելի է հասկանալ. նա օգտվում է եղած հնարավորությունից»,- ասաց նա:

Հիշեցնենք, որ նույն հարցի վերաբերյալ այսօր ԿԳՆ հանրակրթության վարչության պետ Նարինե Հովհաննիսյանն էլ, արդարացնելով Աշոտյանի քայլը, ասել էր, որ ԿԳ նախարարը քաղաքացի է, և ինքն է որոշում` իր երեխային որ դպրոցը տանել: