Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Ժամանակակից արվեստի թանգարանում այսօր բացվեց աբստրակտ ոճի նկարիչ Ալբերտ Հակոբյանի թվով 3-րդ անհատական ցուցահանդեսը: Ներկայացվում է 46 աշխատանք` «Հիշողություններ մի այլ տեղից», «Մորս պատմած հեքիաթներից» եւ «Ծառեր» հավաքածուներից:
Նկարչը մասնակցել է 26 խմբակային ցուցահանդեսների, իսկ նրա առաջին ցուցահանդեսը կազմակերպվել է 1989 թ.:
«Ես իմ գործն եմ անում այնպես, ինչպես քարտաշն է իր քարը տաշում, իսկ թե ո՞րն է իմ առաքելությունը և ո՞վ կլինեմ ես այս կյանքում` դա ժամանակը կորոշի»,- ասում է Ալբերտ Հակոբյանը եւ հավելում, որ գույների ընտրությունը կապում է զգացողությունների հետ:
Նկարչի աշխատանքները տեղ են գտել Ժամանակակից արվեստի թանգարանի, Հայաստանի ազգային պատկերասրահի, Մայր Աթոռ Սուրբ Էջմիածնի «Խրիմյան» թանգարանի հավաքածուներում, ՀՀ մշակույթի նախարարության ֆոնդում:
Ցուցահանդեսը գործելու է մինչև սեպտեմբերի 20-ը:
Լուիզա Սուքիասյան