Ջոլին բացառել է ամուսնության մասին լուրերը

Դերասանուհի Անջելինա Ջոլին Vanity Fair ամսագրի հետ հարցազրույցում բացառել է իր եւ Բրեդ Փիթի գաղտնի ամուսնության եւ նոր երեխաներ ունենալու լուրերը. տեղեկացնում է Reuters-ը:

Օսկարակիր դերասանուհին ամսագրին պատմել է «Արյան եւ մեղրի երկիր» ֆիլմի մասին, որի բեմադրիչը հենց ինքն է: Սցենարում պատմվում է մի զույգի մասին, որն ականատես է լինում Սերբիայի եւ Բոսնիայի պատերազմին: «Ես ավելի բաց չեմ եղել: Այս ֆիլմում ես եմ խոսում ուրիշ մարդկանց շուրթերով»,- ասել է նա:

Դերասանուհին խնդրում է մարդկանց զերծ մնալ քննադատություններից, քանի դեռ ֆիլմը չեն տեսել:

Ակնկալվում է, որ ֆիլմը կինոթատրոններում կլինի այս տարվա դեկտեմբերին: