Սուրճն էժանանում է

Առատ բերքի շնորհիվ սրճի մշակմամբ եւ վաճառքով զբաղվող ամերիկյան ընկերությունները իջեցնում են դրա գինը:

Ինչպես գրում է Los Angeles Times-ը, Kraft Foods ընկերությունը, որն արտադրում է Maxwell House եւ Yuban սրճերը, իր արտադրանքը էժանացրել է 6 տոկոսով: Սակայն այս էժանացումն, ընդհանուր առմամբ, չի ազդելու սրճի միջազգային գնի վրա:

Այս քայլը Kraft Foods-ն արել է ի հեճուկս իր մրցակից J.M. Smucker ընկերության, որը նույնպես 6 տոկոսով էժանացրել է իր Dunkin’ Donuts եւ Folgers բրենդային ապրանքները:

Եղանակային անհաջող պայմաններն ու էլեկտրաէներգիայի մեծ ծախսերի պատճառով տարեսկզբին սրճի գինը բավականին բարձրացել էր, սակայն այժմ առատ բերքի շնորհիվ վիճակը կարգավորվում է:

Սպասվում է, որ այս երկու խոշոր ընկերությունների քայլերը կազդեն նաեւ մյուս արտադրողների վրա: