Հիմա էլ ափսեները կապո՞ւյտ

Եթե չեք ցանկանում գիրանալ, ապա պետք է իմանալ ճիշտ սնվելու կանոնները:

Ըստ էնդոկրինոլոգ Բամինե Բաղրամյանի` ճիշտ սնվելու կանոնները հետևյալն են. «Հարկավոր է սնվել 3-4 ժամը մեկ, ունենալ հատուկ սնվելու ռեժիմ, աշխատելիս չպետք է սնվել, այլ ընդմիջում վերցնել ու նոր միայն հաց ուտել, հակառակ դեպքում` մեր նյարդային համակարգը խախտվում է»: Բժիշկը հավելելում է, որ օրվա ընթացքում մեր ստացած կալորիաները պետք է համապատասխանեն մեր կատարած գործողություններին:

Իսկ հոգեբան Մարիաննա Ավետիսյանը կարծում է, որ քիչ սնվելու գաղտնիքը սպասքի գույների մեջ է: «Խորհուրդ եմ տալիս ուտել կապույտ գույնի ափսեներով, քանի որ այդ գույնը մարդուն զգոնացնում է, և նա հասկանում է, որ պետք է չափավոր սնվի»,- ասաց հոգեբանը: