Ադրբեջանցի պատգամավորները ծովափին "բռնցքամարտել" են

Ադրբեջանական խորհրդարանի երկու պատգամավորներ, որոնք բավական երկար ժամանակ է լարված հարաբերությունների մեջ են, Բաքվի ծովափնյա հանգստյան գոտիներից մեկում ծեծկռտուք են սարքել:  Ինչպես տեղեկացնում է ադրբեջանական pia.az գործակալությունը, նրանց կռվի պատճառը կին է եղել: «Երբ երիտասարդները կռվում են աղջկա պատճառով, դա դեռ հասկանալի է, բայց այս էլ երկրորդ անգամ է այդ պատճառով «բռնցքամարտում են» խորհրդարանի երկու պատգամավորներ»,- գրում է գործակալությունը: Վիճաբանությունն սկսվել է այն բանից հետո, երբ պատգամավորներից մեկի հետ եկած կինը մարտահրավեր է նետել «հակառակորդ» կողմին` փորձելով աչքերի խաղով գայթակղել: Բռնցքամարտն ավարտվել է միայն «հանդիսատեսի» միջամտությամբ, ովքեր բաժանել եւ մեքենաներով հեռացրել են երիտասարդ պատգամավորներին: Սակայն ականատեսների վկայությամբ` նրանցից մեկի դիմացի ատամն է կոտրվել եւ բերանից  արյուն է եկել: