Կյանքից հեռացել է կոմպոզիտոր Կարեն Խաչատուրյանը

Մոսկվայում 91 տարեկան հասակում վախճանվել է ՌՍՖՍՀ ժողովրդական արտիստ, կոմպոզիտոր Կարեն Խաչատուրյանը:

Կարեն Խաչատուրյանը ծնվել է 1920-ի դեկտեմբերի 19-ին՝ թատերական ռեժիսոր Սուրեն Խաչատուրյանի՝ հռչակավոր կոմպոզիտոր Արամ Խաչատրյանի հարազատ եղբոր ընտանիքում:

Նա ՌՍՖՍՀ ժողովրդական արտիստի կոչում է ստացել 1981 թվականին: 2007 թվականին նրան շնորհվել են «Հայրենիքին մատուցած ծառայությունների համար» 4-րդ աստիճանի, 2000 թվականին «Պատվի» եւ 1995 թվականին «Բարեկամության» շքանշանները: Կարեն Խաչատուրյանը «Չիպոլինո» բալետի հեղինակն է: Նրա գրչին են պատկանում նաեւ երկու աֆրիկյան երկրների՝ Սոմալիի եւ Զանզիբարի պետական հիմները: