կարևոր
4756 դիտում, 11 ամիս առաջ - 2023-08-04 21:18
Հասարակություն

Կյանքից հեռացել է դերասան Սամվել Հարությունյանը

Կյանքից հեռացել է դերասան Սամվել Հարությունյանը

Կյանքից հեռացել է Երևանի Հրաչյա Ղափլանյանի անվան դրամատիկական թատրոնի երկարամյա աշխատակից Սամվել Հարությունյանը։ Այս մասին հաղորդագրություն է տարածել թատրոնը:

«Ցավով տեղեկացանք, որ կյանքից հեռացել է դրամատիկական թատրոնի երկարամյա աշխատակից, ռեժիսորի օգնական, դերասան, թատրոնի նվիրյալ Սամվել Հարությունյանը։

Մեր ցավակցություններն ենք հայտնում Սամվելի ընտանիքին և հարազատներին։

Ննջիր խաղաղությամբ մեր սիրելի Սամվել»,- հայտնել է թատրոնը։

Սամվել Հարությունյանը Թատերական ինստիտուտն ավարտել էր 1994 թվականին։ 2008 թվականից սկսել էր Դրամատիկական թատրոնում գործունեություն ծավալել: