ՀԱՅԿԱԿԱՆ ԺԱՄԱՆԱԿ. Հայրը չի պղծել

ՀՀ X մարզի X քաղաքի 14-ամյա բնակչուհու հղիությունը արհեստականորեն ընդհատելուց հետո պտղի ԴՆԹ անալիզների արդյունքները ցույց են տվել, որ աղջիկը հղիացած է եղել ոչ թե հորից, այլ ուրիշ անձից:

Այս մասին թերթին հայտնել են ՀՀ ոստիկանության հասարակայնության հետ կապի եւ լրատվության վարչությունից: Դստեր հանդեպ հոր կողմից սեռական ոտնձգության մասին ոստիկանությանը հայտնել էր աղջկա մայրը: Նույն օրը տղամարդը բերման էր ենթարկվել եւ ձերբակալվել. նրան մեղադրանք էր առաջադրվել ՀՀ քրեական օրենսգրքի 141 հոդվածով (սեքսուալ բնույթի գործողություններ կատարելը 16 տարին չլրացած անձի հետ) նախատեսված արարք կատարելու համար:

Մինչդեռ X քաղաքի բնակիչները չէին բացառում, որ աղջկա մայրը նման բողոք էր ներկայացրել ոստիկանություն` ամուսնուց ազատվելու համար: Ենթադրվում է, որ ԴՆԹ անալիզների արդյունքների հիման վրա աղջկա հոր նկատմամբ մեղադրանքը կկարճվի, քանի որ մինչ օրս չկա գոնե մեկ ապացույց, որը կհաստատեր նրա մեղքը: