Ադրբեջանը Մեդվեդեւին պատասխան է տվել

Ադրբեջանի արտգործնախարար Էլմար Մամեդյարովը Մոսկվա այցի ժամանակ փոխանցել է ՌԴ նախագահի` Ղարաբաղյան հակամարտության կարգավորման վերաբերյալ վերջին առաջարկների պատասխանը. համատեղ ասուլիսի ժամանակ հայտարարել է ՌԴ արտգործնախարար Սերգեյ Լավրովը: Հիմա սպասում են նույն առաջարկներին Հայաստանի պատասխանին:

Ըստ «Ռոսիա 24» հեռուստաալիքի` Սերգեյ Լավրովն ասել է , որ Ղարաբաղյան կարգավորումը առաջնահերթություն է Ռուսաստանի համար:

Իսկ Ադրբեջանի արտգործնախարարի կարծիքով`բանակցություններում առաջընթաց կա:

«Մենք հետզհետե մոտենում ենք այն այն գծին, երբ բոլորը կհասկանան, որ ներկայիս իրադրությունը ոչ մեկին ձեռնտու չէ, այդ թվում` մեր հարեւաններին: Մենք համարում ենք, որ իրադրությունն այնպիսին է, որ առանց դեմագոգիայի, առանց հիստերիայի մենք պետք է շարունակենք չհամաձայնեցված թեմաների վերաբերյալ քննարկումները: Մենք պետք է քննարկենք իրավական համաձայնագիրը` խաղաղ համաձայնագիրը, որը լուրջ ազդանշան կլինի բանակցությունների` վերջնական փուլ թեւակոխելու մասին»,- ասել է Մամեդյարովը: