Հայ գործընկերները Մեդվեդևին Armphone և Armpad են նվիրել

ՌԴ վարչապետ Դմիտրի Մեդվեդևը Комсомольская правда-ի հետ զրույցում ասել է, որ  Հայաստանի գործընկերներն իրեն «Արմֆոն» եւ «Արմփադ» են նվիրել:

Մեդվեդևը պատասխանել է հարցին՝ հարկավոր է արդյո՞ք ԱՄՆ-ին վնասելու համար հրաժարվել Apple-ի արտադրանքի` ասելով. «Ինչ կապ ունեն ԱՄՆ-ի հետ մեր հարաբերությունները iPhone-ի հետ։ Այդ դեպքում, ուրեմն, եկեք հրաժարվենք բոլոր արտասահմանյան ապրանքներից, և ինչ կունենա՞նք։ Հյուսիսային Կորե՞ա։ Դա մեր ուղին չէ: Հակառակը` կարծում եմ, որ ո'չ մենք, ո'չ ամերիկացիները, ո'չ եվրոպացիները չպետք է ոչ մի բանից հրաժարվենք։ Apple-ի արտադրանքից հրաժարվելով` ամերիկացիներին վնասելը ծիծաղելի է»:

Նա նաեւ նշել է, որ ունի 2 աշխատանքային պլանշետ, իսկ վերջերս  Հայաստանի գործընկերներից «Արմֆոն» եւ «Արմփադ» է նվեր ստացել: