Հրաշք պատվաստանյութը կկանխի քաղցկեղի առաջացումը

Ստեղծվել է յուրօրինակ պատվաստանյութ, որ կկանխի քաղցկեղի առաջացումը: Այն խթանում է իմունային համակարգի աշխատանքը, որպեսզի վերջինս գտնի քաղցկեղի բջիջները և ոչնչացնի դրանք. տեղեկացնում է doctors.am-ը:

Պատվաստանյութն ի վիճակի չէ լիովին բուժել քաղցկեղը, բայց մասնագետները կարծում են, որ դա հնարավորություն կտա ուռուցքը վերածել քրոնիկ հիվանդության:

Ըստ մասնագետների` պատվաստանյութի ներարկումը հիվանդներին երկար ապրելու հնարավորություն կընձեռի` պահելով հիվանդությունը վերահսկողության տակ:

Գիտնականները հայտարարում են, որ իմունային համակարգն ակտիվացնող մեթոդը կոչնչացնի քաղցկեղը` առանց որևէ ծանր հետևանքների: Սովորաբար իմունային համակարգը «չի ճանաչում» քաղցկեղը: Նոր մեթոդն ուղղված է համակարգին «խաբելուն», որպեսզի այն ճանաչի վարակն ու հարձակվի դրա վրա:

Ամերիկյան Մայո կլինիկայի մասնագետները փորձել են պատվաստանյութի արդյունավետությունը մկների վրա: Արդյունքում հիվանդ մկների իմունային համակարգը հարձակվել է հիվանդ բջիջների վրա` չդիպչելով առողջներին:

Կարևոր է այն հանգամանքը, որ պատվաստանյութն մեծացնում է դիմադրողականությունը` չհանգեցնելով հիպերակտիվացման:

Ներկայումս ուսումնասիրվում է պատվաստանյութի ազդեցությունը շագանակագեղձի քաղցկեղի վրա, սակայն դեղամիջոցը կարող է փրկել նաև թոքերի, ուղեղի և ենթաստամոքսային գեղձի քաղցկեղից: