Ֆրանսիացի լրագրողներն ազատ են արձակվել աֆղանական գերությունից

Ֆրանսիական France-3 հեռուստաալիքի լրագրողներ Ստեֆան Տապոնիեն եւ Էրվե Գեկյերն այսօր ազատ են արձակվել աֆղանական գերությունից: Այդ մասին ասվում է Ֆրանսիայի նախագահ Նիկոլա Սարկոզիի տարածած հայտարարության մեջ:

Սարկոզին շնորհակալություն է հայտնել Աֆղանստանի նախագահ Համիդ Քարզային Ֆրանսիայի քաղաքացիներին ազատ արձակելու գործին համագործակցելու համար, նաեւ երախտիքի խոսքեր է ուղղել գործողության բոլոր մասնակիցներին:

Նախագահի հայտարարության հրապարակումից ավելի վաղ լրագրողների ազատ արձակման մասին Ազգային ժողովի նիստում հայտարարել է արտգործնախարար Ֆրանսու Ֆիյոնը: Նա ասել է, որ լրագրողներն իրեն լավ են զգում եւ ներկայումս գտնվում են ֆրանսիական ռազմակայանում:

Ստեֆան Տապոնիեն եւ Էրվե Գեկյերը, նաեւ նրանց աֆղանցի թարգմանիչը գերի էին ընկել 2009 թվականի դեկտեմբերի 30-ին: Այդ օրից Փարիզը բազմիցս հայտարարել է, որ նրանց գերությունից ազատելը ազգային արտաքին քաղաքականության հիմնական խնդիրներից է: