Հունահռոմեականները Եվրոպայի առաջնությունում 2 մեդալ նվաճեցին

Սերբիայում ավարտվեց ըմբշամարտի Եվրոպայի երիտասարդական առաջնությունը։ Հայաստանի ընտրանին վաստակեց  1 արծաթե և 1 բրոնզե մեդալ։

96 կգ քաշայինների պայքարում արծաթե մեդալակիր դարձավ Արթուր Ալեքսանյանը։ Հայ ըմբիշը հունգարացի Գեորգի Ռիզմայերին զիջեց հավասար պայքարում:

55 կգ քաշային Նարեկ Խաչատրյանը 2-րդ տեղի համար պայքարում եզրափակչում պարտվեց բելառուսցի Անդրեյ Պիկուզային և բավարարվեց բրոնզե մեդալով:

50 կգ քաշային Ռուդիկ Մկրտչյանը  պարտվեց Վրաստանը ներկայացնող Նիկա Ցեցխլաձեին, ապա անհաջողության մատնվեց նաև բրոնզե մեդալի համար պայքարում։

Թիմային պայքարում Հայաստանը գրավեց 6-րդ հորիզոնականը։ Լավագույն եռյակն էլ դասավորվեց այսպես՝  Թուրքիա, Ռուսաստան, Վրաստան։