"Մետալուրգի" դարպասապահը տեղափոխվեց "Բանանց"

Եվրոպայի լիգայի մեկնարկից առաջ Երևանի «Բանանցը» պայմանագիր կնքեց դարպասապահ Դմիտրի Նեպոգոդովի հետ, ով հանդես կգա Հայաստանի փոխչեմպիոնի կազմում վարձավճարով  մինչև ընթացիկ մրցաշրջանի ավարտը:

Դմիտրի Նեպոգոդովը ծնվել է 1988 թվականի փետրվարի 17-ին: Երիտասարդ դարպասապահը մեր թիմ է տեղափոխվում Դոնեցկի «Մետալուրգից», որի կազմում Ուկրաինայի անցյալ մրցաշրջանում անցկացրել է 14 հանդիպում: Նեպոգոդովը ժամանակին եղել է Մարսելի «Օլիմպիկի» դարպասապահը, ճիշտ է` այս թիմի կազմում չի հասցրել մասնակցել պաշտոնական հանդիպումների: Միևնույն ժամանակ Նեպոգոդովը հանդես է եկել Ուկրաինայի տարբեր տարիքային ազգային հավաքականներում:

Ուկրաինացի դարպասապահը, որի հասակը 197սմ  է, «Բանանցի» կազմում արդեն կարող է մասնակցել Եվրոպայի լիգայի հանդիպումներին: Հաշվի առնելով այն հանգամանքը, որ մեր թիմի հիմնական դարպասապահ Ստեփան Ղազարյանը մոտակա մեկ ամսվա ընթացքում բացակայելու է, Նեպոգոդովի տրանսֆերը, անկասկած, շատ կարևոր է և ճիշտ ժամանակին: