Երեւանցիները հասան իրենց նպատակին

Այսօր Երեւանի քաղաքապետ Կարեն Կարապետյանի ֆեյսբուքյան էջը «գրոհել» էին երեւանցիները` պահանջելով դադարեցնել Նոր Նորքի Վիշապների այգում ընթացող շինարարությունը:

Նրանք հասան իրենց նպատակին: Քաղաքապետարանի մամուլի քարտուղար Շուշան Սարդարյանը պաշտոնական հայտարարություն է տեղադրել, որում նշված է, որ այգում կառուցապատողի կողմից նախաձեռնված շինարարական նախապատրաստական աշխատանքները դադարեցված են, քաղաքապետարանի համապատասխան ստորաբաժանումները իրավիճակը վերահսկում են:

«Երևան քաղաքի գլխավոր ճարտարապետի կողմից հարցն ուսումնասիրվում է կառուցապատողի հետ` փոխհամաձայնեցված լուծումներ գտնելու համար՝ ի նպաստ այգու պահպանմանը»,- նշված է հայտարարության մեջ: