Կովերի եւ այծերի գեղեցկության մրցույթ

Կովերի եւ այծերի գեղեցկության մրցույթ է անցկացվելու Ռուսաստանի Ռամենսկոյե քաղաքում:

Հունիսի 24-ին կայանալիք «Մերձմոսկովյան աստղերը» մրցույթին մասնակցելու է մոտ 60 գյուղատնտեսական ձեռնարկություն, որոնք կենդանիների 80 ցեղատեսակ են ներկայացնելու ժյուրիի եւ հանդիսատեսի դատին: Ինչպես գրում է «Ինտերֆաքսը», ժյուրիի կազմում, բացի ռուսաստանցիներից, նաեւ գերմանացի փորձագետներ են լինելու:

«Կենդանիները քայլելու են երկար ցուցահարթակով, ինչպես լինում է գեղեցկության մրցույթներում, միայն թե այս հարթակն ավելի լայն կլինի: Դրանք գնահատվելու են` հաշվի առնելով նրանց կրծքի ձեւն ու ոսկորների ամրությունը»,- ասել է ՌԴ գյուղնախարարության ներկայացուցիչը։