Իսկապես` չեն ստորագրել

Ամենայն Հայոց կաթողիկոսը եւ Վրաց պատրիարքը համատեղ կոմյունիկե չեն ստորագրվել. հաղորդում է վրացական Грузия Online գործակալությունը` վկայակոչելով Վրաց ուղղափառ եկեղեցու ներկայացուցիչ Գերասիմ Շարաշենիձեն:

Վերջինս հավելել է, որ ներկայումս կողմերի դիրքորոշումներն են համաձայնեցվում:

Ինչ վերաբերում է օրեր առաջ վրացական ԶԼՄ-ների թեթեւ ձեռքով նաեւ մեր լրատվամիջոցներով տարածված փաստաթղթին, դա նախնական տարբերակն է, որի հետ կապված աշխատանքները դեռ շարունակվում են:

Նշենք, որ Մայր Աթոռի տեղեկատվական համակարգի տնօրեն Վահրամ քահանա Մելիքյանն էր Facebook-ի իր էջում հերքել կոմյունիկե ստորագրելու մասին լուրը, սակայն Մայր Աթոռը պաշտոնապես չի արձագանքել: