Գործող գյուղապետը վերընտրվեց

Գեղարքունիքի մարզի Գեղհովիտ համայնքում հունիսի 12-ին կայացան համայնքի ղեկավարի հերթական ընտրությունները:

Գեղհովիտցիներն ընտրություն էին կատարելու 3 թեկնածուների` գործող գյուղապետ, ՀՀԿ անդամ Վարդան Պողոսյանի, անկուսակցականներ Թաթուլ Գրիգորյանի եւ Նահապետ Գևորգյանի միջև:

Թիվ 24 ընտրատարածքային ընտրական հանձնաժողովի տրամադրած նախնական տվյալների համաձայն` ընտրելու իրավունք ունեցող 4345 գեղհովիտցիներից ընտրությանը մասնակցել են 2727-ը:

Կողմ քվեարկած քվեաթերթիկների թիվը 2679-ն է, ընդ որում` Վ. Պողոսյանի օգտին քվեարկել է 1772 ընտրող, Թ. Գրիգորյանին ձայն են տվել 708-ը, Նահապետ Գևորգյանին` 199-ը:

Ըստ այդմ` համայնքի ղեկավարի պաշտոնում վերընտրվել է գործող գյուղապետ Վ. Պողոսյանը: