Ետնաբեմն է կարեւոր

Հրապարակում եղած ուժերը, որոնք, եթե անգամ դրա մասին միանշանակ չեն արտահայտվում, շատ դեպքերում ասում են, որ հնարավոր չէ զարգանալ առանց զիջելու, եւ, բնականաբար, ենթադրում են ինչ-որ ճանապարհով, զիջումների միջոցով նոր հեռանկարներ ապահովել Հայաստանի զարգացման համար. «Երկիր»-ի հետ զրույցում ասել է ՀՅԴ Հայաստանի ԳՄ ներկայացուցիչ Արմեն Ռուստամյանը:

Նա նշել է, որ դա ամենավտանգավոր, միեւնույն ժամանակ` ամենահավանական սցենարը, քանի որ «ետնաբեմ այսօր գոյություն ունի, որի մասին շատերը գուցե տեղյակ չեն, բայց դա կբացահայտվի ժամանակի ընթացքում»:

«Երկխոսության առարկա կարող են հանդիսանալ հենց հայ-թուրքական եւ հայ-ադրբեջանական հարցերը: Թե ինչ է տեղի ունենում ետնաբեմում, դրանից մեր հասարակությունն այնքան էլ տեղյակ չէ: Իսկ այստեղ ես ետնաբեմ տեսնում եմ, որովհետեւ այս խնդիրները չեն կարող անտեսվել, չեն կարող չլուծվել: Պետք է պարզապես հասկանալ, թե որ ուժը ինչ ճանապարհով է պատկերացնում դրանց լուծումը»,- ասել է Ա. Ռուստամյանը: