Հայկական տաղավարը` կրկին ուշադրության կենտրոնում

Մայիսի 5-8-ը անցկացվեց Սալոնիկի գրքի 8-րդ միջազգային ցուցահանդես-տոնավաճառը, որին իր տաղավարով մասնակցում էր նաև Հայաստանի մշակույթի նախարարությունը:

Ցուցահանդեսի օրերին Հայաստանի պատվիրակությունը, որի կազմում էին գրող Է. Միլիտոնյանը, Հայաստանի հրատարակիչների ասոցիացիայի խորհրդի անդամ Է. Մկրտչյանը և լրագրողներ, հանդիպումներ ունեցան Սալոնիկի հայ համայնքի ներկայացուցիչների հետ, այցելեցին տեղի հայկական շաբաթօրյա դպրոց, գրքեր նվիրեցին համայնքային գրադարանին:

Սալոնիկի գրքի միջազգային ցուցահանդեսի հայկական տաղավարը մեծ հետաքրքրություն է առաջացրել ցուցահանդեսի այցելուների շրջանում:

Հիշեցնենք, որ օրերս Ժնեւում կայացած Գրքի միջազգային 25-րդ փառատոնին նույնպես հայկական տաղավարը ուշադրության կենտրոնում է եղել: