Ադրբեջանում վախենում են ադեկվատ պատասխանից

Ադրբեջանական լրատվամիջոցները ահազանգում են, թե իբր «Արցախյան կողմը ճակատային մաս է հանել իր լավագույն նշանառուներին և հրահանգել հակառակորդին պատճառել հնարավորինս մեծ մարդկային կորուստներ»:

Հավանաբար, ադրբեջանցիներին մտահոգել է տարածված այն տեղեկությունը, որ ՀՀ ՊՆ-ին մոտ կանգնած աղբյուրների համաձայն հայկական ստորաբաժանումները հրահանգ են ստացել շփման գծի ամբողջ երկայնքով մեկ պատժիչ գործողություններ իրականացնել` թշնամու քայլերին հակադարձելու համար:

Նույնիսկ  1news.az ադրբեջանական կայքը շտապել է հանգստացնել հայրենակիցներին` գրելով, որ, իրենց թղթակցի հավաստմամբ, հայկական կողմում նման ակտիվություն չի նկատվում, և ղարաբաղա-ադրբեջանական շփման գծին մոտ գտնվող բնակավայրերի տեղական իշխանությունները զգուշացված չեն հայկական կողմից սպասվող վտանգի մասին: