Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Իրանի խորհրդարանում սկսվել է երկրի նախագահ Մահմուդ Ահմադինեժադի իմպիչմենտի գործընթացի նախապատրաստումը. տեղեկացնում է բրիտանական The Guardian թերթը:
Պատգամավորների՝ պետության ղեկավարին պաշտոնանկ անելու մտադրության պատճառը կարող են լինել նրա տարաձայնությունները Իրանի գերագույն առաջնորդ Ալի Խամենեիի հետ:
Ըստ թերթի` նախագահի եւ այաթոլլայի հարաբերությունների վատացման վերջին վկայությունը նախագահի կողմից հետախուզության գործերի նախարար Հեյդար Մոսլեհիին պաշտոնանկ անելու անհաջող փորձն էր: Ապրիլի 17-ին նախարարը Ահմադինեժադի պարտադրանքով համապատասխան դիմում էր ներկայացրել, սակայն Խամենեիի որոշմամբ վերականգնվել էր իր պաշտոնում:
Տարաձայնությունների պատճառներից է նաեւ ԱԳ նախարար Մանուչեհր Մոթաքիի պաշտոնաթողությունը. սույն որոշումը Ահմադինեժադն ընդունել էր 2010-ի դեկտեմբերին՝ առանց երկրի գերագույն ղեկավարի գիտության:
Թեեւ Իրանի նախագահը պաշտոնապես պետության ղեկավարն է, գերագույն հոգեւոր առաջնորդը դե ֆակտո ունի ավելի լայն լիազորություններ:
Մեկնաբանելով վերջին իրադարձությունները՝ իրանյան ընդդիմության ներկայացուցիչները ենթադրել են, որ իրերի այդպիսի դասավորությունը դադարել է ձեռք տալ Ահմադինեժադին: