ԱՌԱՎՈՏ. Թամամյանի գործով եւս մեկն ազատվեց աշխատանքից

ՀՀ ոստիկանության պետ, ոստիկանության գեներալ-լեյտենանտ Ալիկ Սարգսյանի հրամանով աշխատանքից ազատվել եւ կադրերի տրամադրության տակ է ուղարկվել Երեւանի Արաբկիր վարչական շրջանի ոստիկանության բաժնի պետի օպերատիվ աշխատանքների գծով տեղակալ, ոստիկանության փոխգնդապետ Արթուր Պողոսյանը:

Տեղեկացնենք, որ մինչ այդ ՀՀ ոստիկանապետը աշխատանքից ազատել էր նրա անմիջական ղեկավար Վարազդատ Ադամյանին, որը երկամսյա կալանքի ենթարկված` ոստիկանության քրեական հետախուզության գլխավոր վարչության նախկին պետ, ոստիկանության գեներալ-մայոր Հովհաննես Թամամյանի նկատմամբ հարուցված քրեական գործի շրջանակներում ներգրավված է որպես վկա:

Ա. Պողոսյանը նույնպես ցուցմունք է տվել Հատուկ քննչական ծառայությունում: