Ոչ թե Ճապոնիայում, այլ Ռուսաստանում

Դահուկորդների միջազգային խորհուրդը (ISU) երկու օր առաջ Ռուսաստանի գեղասահքի ֆեդերացիային պաշտոնական նամակ է ուղարկել: Նամակում ասվում է, որ Մոսկվային է վստահված 2011 թվականին կայանալիք աշխարհի առաջնության կազմակերպումը: Այս մասին հայտարարել է ֆեդերացիայի նախագահ Վալենտին Պիսեևը:

Առաջնությունն անցկացվելու է ապրիլի 25-ից մայիսի 1-ին Մոսկվայում: Սրա վերաբերյալ Ռուսաստանի վարչապետ Վլադիմիր Պուտինն ասել է, թե գեղասահքի աշխարհի առաջնությունը այնքան էլ ծախստար չէ եւ Ռուսաստանը կարող է կազմակերպել այն:

«Մեր ճապոնացի ընկերները չեն կարող գեղասահքի առաջնությունը կազմակերպել` հասկանալի է»,- ասել է Պուտինը և հավելել, թե  առաջնությունը կկազմակերպեն հաճույքով, քանի որ կօգնեն ոչ միայն ճապոնացի գործընկերներին, այլև կուրախացնեն սեփական ժողովրդին. ռուսների շրջանում շատ են գեղասահքի սիրահարները»: