Իշխան Զաքարյանը մեկնել է Փարիզ

Հայաստանի Վերահսկիչ պալատի նախագահ Իշխան Զաքարյանի գլխավորած պատվիրակությունը մարտի 16-ին եռօրյա պաշտոնական այցով մեկնել է Ֆրանսիա:

Այցի շրջանակներում  նախատեսվում  է Ֆրանսիայի և Հայաստանի բարձրագույն վերահսկիչ մարմինների ղեկավարների հանդիպում:  ՀՀ Վերահսկիչ պալատի և Ֆրանսիական Հաշվիչ դատարանի միջև կկնքվի համագործակցության համաձայնագիր:

Ինչպես նշվում է ՎՊ լրատվական ծառայության հաղորդագրության մեջ, վերահսկողության շրջանակում ՀՀ ՎՊ-ի համար կարևոր է Հաշվիչ դատարանի փորձը, հատկապես` քրեաիրավական բնույթի խախտումների բացահայտման գործում նախաքննչական, քննչական, դատախազական և դատական գործունեության ուղղությամբ:

Բացի այդ` Հաշվիչ դատարանի աջակցությամբ Վերահսկիչ պալատը կարող է առավել արդյունավետ ներգրավվել միջազգային և տարածաշրջանային կազմակերպությունների աշխատանքներին:

Դոնոր կազմակերպությունների և ֆոնդերի հետ տարվող աշխատանքներում նույնպես հնարավոր է Հաշվիչ դատարանի միջամտությունը: