Իսպանիայի գավաթ. «Բարսելոնա»-ն կիսաեզրափակիչի ուղեգիր նվաճեց (տեսանյութ)

Իսպանիայի գավաթի խաղարկության քառորդ եզրափակիչ փուլի պատասխան խաղում «Բարսելոնա»-ն հյուրընկալվելիս 3:2 հաշվով առավելության հասավ «Ատլետիկո Մադրիդ»-ի նկատմամբ: 

Արդեն 1-ին րոպեին Ֆեռնանդո Տորրեսը առաջ մղեց տանտերերին: 8 րոպե անց Նեյմարը հավասարեցրեց հաշիվը: 30-րդ րոպեին  հյուրերի դարպասին նշանակված 11 մետրանոց հարվածն անվրեպ իրացրեց Ռաուլ Գարիսան:  38-րդ րոպեին Միրանդայի ինքնագոլի շնորհիվ կատալոնացիները հավասարեցրեցին հաշիվը, իսկ 3 րոպե անց Նեյմարը հաշիվը դարձրեց 2:3:  

2-րդ խաղակեսում հաշվի մեջ փոփոխություն չգրանցվեց: 

Ավելացնենք, որ 2-րդ խաղակեսը տանտերերն սկսել են 10 հոգով:  Ընդմիջմանը խաղադաշտից հեռացվել է Գաբին, իսկ 84-րդ րոպեին Դիեգո Սիմեոնեի թիմը մնացել է  9 հոգով: Մարիո Սուարեսը 2-րդ դեղինն է ստացել: 

Այսպիսով` «Բարսելոնա»-ն հաղթեց ընդհանուր` 4:2 հաշվով և դուրս եկավ կիսաեզրափակիչ, որտեղ կմրցի  «Վիլյառեալ»-«Խետաֆե» զույգի հաղթողի հետ: