Արգենտինան մեղադրում է ԱՄՆ-ին

Նոր քաղաքական սկանդալ է ծագել Արգենտինայի եւ ԱՄՆ-ի միջեւ:

Ինչպես գրում է «Գարդիան»-ը, Բուենոս Այրեսը մեղադրում է Վաշինգտոնին զենքի եւ թմրանյութի ապօրինի տեղափոխման մեջ: Արգենտինայի իշխանությունների պնդմամբ` արգենտինական մաքսատան աշխատակիցներն այդպիսի բեռ են հայտնաբերել ամերիկյան զինվորական օդանավում:

Իր հերթին, ԱՄՆ պետդեպարտամենտը հայտարարել է, որ զենքի տեղափոխումը եղել է օրինական ճանապարհով` համատեղ զինավարժությունների անցկացման շրջանակներում, իսկ թմրանյութն օգտագործվելու էր միայն բժշկական նպատակներով:

Ներկայումս Արգենտինան պահանջում է հետաքննություն անցկացնել, իսկ ԱՄՆ-ը հետ է պահանջում բեռը: