Արգենտինան արմատական բարեփոխումների կարիք ունի. Արգենտինայի նորընտիր նախագահ

Արգենտինան արմատական բարեփոխումների և պետության համատարած դերից ազատվելու կարիք ունի։ ТАСС-ի փոխանցմամբ այս մասին հայտարարել է երկրի նորընտիր նախագահ Խավիեր Միլեյը։ 

«Արգենտինան գտնվում է կրիտիկական իրավիճակում։ Երկրին անհրաժեշտ են արմատական ​​փոփոխություններ», - ասել է նա՝ որպես պետության ղեկավար ընտրված իր առաջին ելույթում։

Միյելի խոսքով՝ իր հաղթանակով Արգենտինան բացում է «պատմության նոր էջ»։ 

«Այսօր ավարտվում է աղքատություն հրահրող, համատարած պետական մոդելը, որը օգուտ է բերում ոմանց, բայց որից տուժում է արգենտինացիների մեծամասնությունը», - նշել է նա:

Ինչպես նշել է քաղաքական գործիչը, նրա հետ Արգենտինան կգնա «ազատության ճանապարհով», որպեսզի «կրկին դառնա համաշխարհային տերություն»:

Նրանց, ովքեր մեզ դրսից հետևում են, ուզում եմ ասել, որ Արգենտինան կրկին տեղ կգրավի աշխարհում, որը չպետք է կորցներ։ Մենք հավատարիմ ենք ժողովրդավարությանը, ազատ առևտրին և խաղաղությանը։ Մենք ուս ուսի տված աշխատելու ենք ազատ աշխարհի բոլոր երկրների հետ»,- հայտարարել է նա։