Շեքսպիրն ու երկպալատ խորհրդանին

Գրականության ինստիտուտի տնօրեն Ավիկ Իսահակյանի կարծիքով`մեր խորհրդարանի երկպալատ դառնալն անհրաժեշտ է, քանի որ դա պատմության համաչափ զարգացման արդյունք է:

«Սակայն չեմ կարծում, որ սփյուռքահայերը մեր խնդիրները մեզանից լավ կարող են լուծել, բայց համարում եմ, որ անհրաժեշտ է Երեւանում կենտրոն ստեղծել եւ յուրաքանչյուր համայնքից ու կուսակցությունից ունենալ ներկայացուցիչներ»,- լրագրողների հետ հանդիպման ժամանակ ասաց Իսահակյանը:

Բանաստեղծ Արտեմ Հարությունյանը համաձայն չէ Իսահակայանի հետ. «Լավ էլ կլուծեն մեր հարցերը, քանի որ ամեն ինչից էլ տեղյակ են նրանք: Իսկ կենտրոնը պետք է լինի դրսում, ասենք` Վաշինգտոնում»:

Ավիկ Իսահակյանը հանդիպման վերջում լրագրողներին առաջարկեց իրենց զրույցի թեման վերնագրել` «Սփյուռքյան պալատ` ներսո՞ւմ, թե՞` դրսում», իսկ Արտեմ Հարությունյանը հավելեց` «Ո՞րն է հոգեպես ավելի ազնիվ»: