Կառլեն Մկրտչյանը վիրահատվել է

Հայաստանի նախորդ տարվա լավագույն ֆուտբոլիստ Կառլեն Մկրտչյանը երեկ Գերմանիայում վիրահատության է ենթարկվել: Վիրահատությունը հաջող է անցելб և այսօր երեկոյան Հայաստանի հավաքականի կիսապաշտպանը կվերադառնա Երևան:

Վիրահատությունը բարդ չի համարվում, եւ ապաքինման համար երկար ժամանակ չի պահանջվի: Այնպես որ, Կառլենը շուտով ձեռք կբերի անհրաժեշտ մարզավիճակ:

Հիշեցնենք, որ Կառլենը ոտքի մկանային վնասվածք էր ստացել ստուգողական հանդիպումներից մեկի ժամանակ, երբ փորձաշրջան էր անցնում Կրասնոդարի «Կուբանում»:

Հավաքականի գլխավոր մարզչի տեղեկություններով` Մկրտչյանը ապաքինումից հետո կվերադառնա «Կուբան»: Իսկ մինչ այդ, նա «Փյունիկի» հետ կուղևորվի Կիպրոս` հետվիրահատական շրջանն այդ երկրում անցկացնելու համար: Հավաքականի մեր հենակետային կիսապաշտպանը, բնականաբար, չի կարող մասնակցել փետրվարի 9-ին կայանալիք Հայաստան-Վրաստան ընկերական խաղին:

Հավելենք, որ ռուսական թիմն այս օրերին ուսումնամարզական հավաք է անցկացնում Իսպանիայում: