Մոսկվայում սգո օր էր

Դմիտրի Մեդվեդեւը պաշտանանկ է արել Դոմոդեդովոյի անվտանգությունն ապահովող պաշտոնյաներին: Ռուսաստանի նախագահը հայտարարել է, որ պաշտոնանկությունները վերջինը չեն լինելու: Ըստ Մեդվեդեւի, Դոմոդեդովոյի պայթյունը ոչ այնքան ահաբեկչության հետեւանք էր, որքան օդանավակայանի անվտանգության աշխատակիցների անզգոնության:

Այսօր Մոսկվայում սուգ է հայտարարված: Մոսկովյան բոլոր ուղղափառ եկեղեցիներում կատարվել են հոգեհանգստյան արարողություններ:

Հիշեցնենք , որ երկուշաբթի օրը, Մոսկվայի ժամանակով` ժամը 16:30-ին, Դոմոդեդովոյի օդանավակայանի միջազգային չվերթների սրահում մահապարտ ահաբեկչի իրագործած պայթյունի հզորությունը հավասար էր 7 կգ տրոտիլի պայթյունի: Զոհվել էին 35, վիրավորվել 180 մարդ: Վիրավորների թվում 4 հայեր կան: Այս պահին մոսկովյան հիվանդանոցներում դեռ 111 վիրավոր կա: Առողջապահության նախարարության պատասխանատուների հայտնած տվյալներով, վիրավորներից 3-ը խիստ ծանր վիճակում են, 24-ը` ծանր: Մնացած վիրավորների վիճակը միջին ծանրության է:

Իրավապահներն ասում են, որ, հետաքննության նախնական տվյալներով, պայթյունի հնարավոր իրագործողները ծագումով Հյուսիսային Կովկասից են: